اللغة العربية الفـصـعـة

شباب حبيت جمعلكون كم كلمة من يلي منسمعها بالطريق وتم تأليف قاموس خاص وسوف يدرس بأشهر الجامعات العلمية مع بدء الفصل الدراسي الجديد " خــــــــخ"

كشاش :
وهو الشخص الذي يكذب ويخترع ويبهر وكل هذا بغرض الاستعراض .... وهو بنظر زملائه الكشاشين (( بيخرط خرط....قعدته حلوة.....عندو كل كشة أحلى من التانية ...خيالو واسع ....لك منين بجيب هالكشات ما بعرف.....الخ ))
يا زلمة :
شعور الشاب " سوري حصراً " بأنه بلا حضور وشعوره بأنه منبوذ في باقي البلاد وإحساسه بأنه إرهابي ومتخلف.......الخ شكل لديه عقدة مضمونها " أناااااااا رجااااااال " ومن هنا جاء مصطلح زلمة وكما أيضاً مصطلح معلم .....تاج راسي.....عيوني......الخ
خورفة :
وهي استغلا الأخر بشكل مادي ولئيم " يعني سلبطة " متل باكيت دخان ..عزيمة غداء ..الخ
وينطبق هذا المصطلح في العلاقات العاطفية فإذا أحضر الشاب لحبيبته هدية باهطة الثمن يقال عنه ((مخورفتو حبيبتو خورفة مرتية ))
طنبرة:
وهي غير الخورفة " بعيدة عنها 180 درجة " فالطنبرة كما يتضح معناها من حياتنا اليومية
بأن يوسوس الأول للشخص الثاني حتى يمتلأ حقد وكراهية ضد الثالث ويقوم الثاني وينسف الثالث كم بوكس ويلعبجلو واجهته " يعني الشخص1 مقروووق من الشخص 3 بس ما بيقدرلوا من شان هيك بيطنبر الشخص 2 من شان يقتلو "......شلون
طق البرغي :
مثلاً يا شباب أنا ببعت برسالة إلى هااااني مثلاً ها وبقول فيها التالي :.....قلنا مثلاً.....
(( والله يا هاني ما كنت بدي ألك بس والله ضميري ما طاوعني ولأني بحبك رح ألك هاد" فلان" عم يحكي عنك بالعاطل وشروي غروي والله يشهد ما كنت بدي ألك بس حبيت حطك بالصورة )) ألنا مثلاً
القورنة:
وهذا أكثر المصطلحات شيوعاً لأنه يضرب على الوتر الحساس فهي تعني الخيانة فمثلاً يقوم أحد الشباب بتظبيط حبيبت رفيقو وهنا يكون ركبلو قرون وهنا يذهب المقورن له للمنزل ليستمتع مع بكاءه مع مصطفى كامل
مشكلس أمره :
أي أنه قالب الخزانة على حالو وأصل كلمة شكلسة " علكة شكلس " التي كان لها مج وتاريخ حافل
طنت :
وهي إهانة للشاب فمعناها بأنه فتاة ناعمة
اللهم لا شماتة :
يرددها الشاب إذا حل بلاء ما بأحد أعداءه فيبتسم تلك الإبتسامة البريئة ويقول يا سيدي خرجو بيستاهلها ببس اللهم لا شماتة
سلختو سؤال :
أي بأنه أحرجه وأثار إرتباكه أمام الناس
كفو :
وهو الشخص الجاهز للخدمة دوماً وبيكون قدها وقدود وبيصف مع رفيقو بالحالتين ظالم ومظلوم
ضربو كزلك :
أي نظر إليه نظرة ثاقبة فاحصة دون أن ينتبه المفحوص على شيء
انحرق كرتو :
استهلك جميع الفرص
تقريق :
سخرية " مألسى "
قرقني :
زعجني وبما معنا " أرأني "
حشاش :
وهو الشخص صاحب النكت الساخرة
مصيف :
أي بأنه مأجر الفوقاني أي خارج التغطية
خارج التغطية :
أي بأنو فاصل سلامتك يعني برسم البيع
برسم البيع :
أي مهستر................خلص فضوها سيرة
نوال :
يعني هات المصاري بسرعة
بلا أفلمة :
بلا كش ..." تم شرح كلمة كش مسبقاً "
طعجتو :
خذلتو يعني خجلتو أدام الناس
وشباب عل الأمانة لا تتكحتنو علينا بأي كلمات جديدة
________________________________________
اخوكم المحب SCORPION

شكرا لك ونرجو منك المزيد
من المواضيع الرائع يلي
بتزودنا فيها
عنجد شكرا